د ننګرهار ولايت د پوليسو وياند سيد طيب حماد وايي؛د نشه یي توکو پر وړاندې د مبارزې مدیریت پوليسو د جلال آباد ښار له بېلابېلو سیمو او همدارنګه د اچین او کوز کونړ ولسوالیو څخه ۴۵ تنه په نشه یي توکو روږدي کسان راټول او د درملنې په موخه یې د کابل امید روغتون ته ولېږدول. حماد وايي په دې ولايت کې به د روږدو ټولو لړۍ تر هغې روانه وي؛ترڅو چې د ننګرهار له مرکز او ولسوالیو څخه مو په بشپړ ډول د روږدو ځوانانو درملنه نه وي کړي.

د سرپل ولایت ا.ق وياند حافظ نقيب اللّٰه علم يار وويل: چې نن ورځ د مرکز اړوند ۳مې حوزې د امام کلان سيمه کې په يوه کور کې د برق د شارټۍ له امله اور لګېدنه رامنځه شوې چې د اطفایې آمریت منسوبینو له لوري پر وخت سره مهار شوه. علم يار وايي چې په ياده اور لګيدنه کې د پنځه لکه افغانیو په ارزښت توکي سوځول شوي او د دیارلس لکه افغانیو په ارزښت توکي د اور وژنې ټيم په هڅو سره د سوځېدو څخه ژغورل شوي دي.

د پنجشېر ولايت وياند سيف الدين لټون پوليس راډیو ته وویل؛ چې د ياد ولايت د والي الحاج حافظ محمد آغا حکیم، ولايتي مسؤلانو او قومي مشرانو په هلو ځلو، د ۱۶ میاشتو په موده کې ۱۳ لويې او وړې مرګونې دوښمنۍ حل او په دوستۍ بدلې شوې دي. ښاغلی لټون زياتوي چې يادې وژونکي دوښمنۍ په مرکز بازارک او بيلابيلو ولسوالیو کې حل او په ورورۍ بدلې شوې دي.

د خوست ا.ق وياند طاحر احرار پوليس راډیو ته وویل: چې د اولې حوزې اړوند په يوې لوړ پوړيزه ودانۍ کې د ګازي بخارۍ له امله د یوې کورنۍ پنځه تنه چې یوه ښځه او څلور نارینه دي په شهادت رسیدلي دي. احرار زياتوي چې یاد کسان د پکتیکا ولايت د سروبي ولسوالۍ اوسیدونکي دي،چې خوست ته د درملنې په موخه ورغلي وو.

د احصایې او معلوماتو ملي اداره وياند محمد حلیم رافع پوليس راډیو ته وویل چې دې ادارې په میاشتني ډول د لګښتي توکو د بیو ارقام راټو او تحلیلوي، چې له‌مخې یې د روان کال په لیندۍ میاشت کې د خوراکي توکو په بیو کې ۱٫۳ سلنه زیاتوالی راغلی دی . دا زیاتوالی ۲۶٫۰ سلنه د سبزۍ او ۲٫۷سلنه د بورې او شیرینۍ په بیو کې دی. ښاغلی رافع زياتوي د غیر خوراکي توکو په بیو کې بيا ۲٫۰ سلنه زیاتوالی ښکاري چې ۶٫۲ سلنه یې د جامو شاخص، ۵٫۰ سلنه د کور سامان شاخص او ۵٫۴ سلنه د معالجې او تداوۍ شاخص په بیو کې ټيټ والی راغلی.

د نشه يي توکو پر وړاندې د مبارزې معینیت وياند وايي چې ددې معينيت د هرات ولایت اړوند د نشه يي توکو پر وړاندې د مبارزې مدیریت مسؤلینو په همکارۍ ۲۱۶ تنه روږدي کسان چې مخکې د یاد ولایت له بيلابيلو سیمو څخه را ټول شوي وو له درملنې وروسته د یاد مدیریت له خوا رخصت او خپلو کورنیو ته وسپارل شول.

د لغمان ولايت د پوليسو وياند يونس يوسفزی وايي چې نن سهار ۰۰؛۶ شپږ بجې د کابل جلال آباد پر لویه لار د لغمان اووم نمبر شهرا اړوند کاکڅ سیمه کې د یو فلډر او سراچه ډوله ټوډي موټرونو د ټکر له امله یوه ښځه مړه او د دوو ښځو په ګډون درې تنه نور ټپيان شوي دي ښاغلي يوسفزي د ټپیانو روغتیایي حالت د ډاډ وړ بللی.

د میدان وردګو ولایت د پوليسو وياند محمد يوسف اسرار وايي چې د کابل - بامیان لويه لار د اونۍ کوتل په سیمه کې د زیاتې واورې ورېدو له امله د ترافیکو پر مخ وتړل شوه. اسرار زياتوي چې یاده لار د جلریز ولسوالۍ اړوند په اونۍ کوتل کې د زیاتې واورې د ورېدو له امله تړل شوې ده.

د غزني ولايت د پوليسو وياند ابو خالد سرحدي وايي چې د لومړۍ حوزې اړوند روضې کوتل سيمه کې د دوه عرادو مسافر وړونکو موټرونو د ټکر له امله د دريو ښځو په ګډون ۷ تنه ټپيان شوي دي. د نوموړي په وینا سيمې ته پر وخت امنيتي ځواکونو ځان رسولی او ټپيان يې د غزني ولايت ملکي روغتون ته لېږدولي دي. بلخوا بيا د غزني ولايت اوسيدونکي له دولت څخه د ترافیکي پېښو په کمښت کې د لانورو زياتو هلو ځلو غوښتنه کوي.

د خوست ولایت ا.ق وياند طاحر احرار وايي؛ددې ولايت اړوند د اسماعیل خېلو او مندوزیو ولسوالۍ د ورزې په سیمه کې د ا.ق حافظ عبدالرشید عمري په مشرۍ،د ځایي علماوو او قومي مشرانو په منځګړیتوب، د حاجي قمرشاه او بسم الله شاه کورنیو ترمنځ اتلس کلنه مرګونې دوښمنۍ حل او د دواړو لوريو په رضايت سره په دوستۍ بدله شوه.