د کورنیو چارو وزارت لومړي مرستیال مولوي محمد نبي عمري، افغانستان لپاره د اروپایي ټولنې له ځانګړي استازي ښاغلي کیلس برټرېنډ او مل پلاوي سره د خپل کار په دفتر کې وکتل.

د افغانستان لپاره د اروپایي ټولنې نوي ځانګړي استازي ژیل برتران د بهرنیو چارو له وزیر مولوي امیرخان متقي سره لیدنه وکړه.

د کورنیو چارو وزیر محترم خلیفه سراج الدین حقاني د پولیسو ځانګړو ځواکونو مرکزي قوماندانۍ کې د یادو قطعاتو ولایتي او مرکزي مسؤلینو لپاره د خاصو عملياتو، اپراتيفي مهارتونو او ظرفيت لوړونې په موخه جوړ شوي سمینار په پای غونډه کې ګډون وکړ

په دې ناسته کې، چې د جهادي مدرسو د فعالیت او لاسته راوړنو په اړه خبرې وشوې، ښاغلي شیخ طالب جان وویل: جهادي مدرسې توانېدلې، چې په لنډه موده کې ښه پرمختګونه وکړي او ځوانانو ته تر لوړې کچې د زده کړو فرصتونه برابر کړي.

د غزني امنیې قوماندانۍ وايي چې د اسلامي امارت امنیتي ځواکونو یو درې کلن ماشوم ـ چې د کابل له پل محمود خان سیمې څخه وړمه شپه تښتول شوی و ـ په غزني ولایت کې په ځانګړو عملیاتو کې ژغورلی دی.

د ډیورنډ فرضي کرښې ترڅنګ یو وار بیا د پاکستاني او افغان ځواکونو ترمنځ نښته راپارېدلې، چې د ملکي تلفاتو تر څنګ یې د دواړو هېوادونو اړیکې لا ترینګلې کړې دي.

له کندهاره د ځينو باوري سرچینو په حواله تېره شپه په سپین‌بولدک ولسوالۍ کې د پاکستاني سرحدي ځواکونو د هاوان بریدونو له امله څلور ملکیان وژل شوي او څلور نور ټپیان شوي دي. دغه پېښه د مازل‌ګلي او لقمان په سیمو کې رامنځته شوې ده.

د لوګر مسوولین وایي، د یاد ولایت په «بره‌کي‌برک» ولسوالۍ کې هغه کس نیول شوی چې خپله ښځه یې په چاقو وژلې وه.

کابل او تهران د درملو او طبي وسایلو د تولید په برخه کې همکارۍ پراخوي.

له پېښو سره د مبارزې امادګۍ ملي اداره وایي، چې تېره ورځ ماښام مهال د لغمان د قرغیو ولسوالۍ اړوند درونټې سیمه کې له غره څخه یوه لویه ډبره راغورځېدلې او د درونټې برېښنا بند تر کاسې پورې یې د کابل-جلال اباد لویې لارې سړک بند کړی دی.