د افغانستان اسلامي امارت د بهرنیو چارو وزیر مولوي امیرخان متقي د افغانستان په تړاو د «مسکو فارمټ» مشورتي ناستې په اووم پړاو کې د رسمي غړي په توګه ګډون وکړ. دا لومړی ځل دی چې د اسلامي امارت ...

په مالیې وزارت کې د ګمرکونو لوی ریاست وايي چې د دې ریاست اړونده د ګرځنده څارنې کارکوونکو د تېرو دوو اونیو په ترڅ کې د هرات، کندهار، نیمروز، فراه او هلمند په بېلابېلو سیمو کې د قاچاقي توکو لویې محمولې نیولې دي. د خبرپاڼې د معلوماتو له مخې، قاچاق کوونکو هڅه کوله چې دا توکي له ګمرکي محصول پرته په ناقانونه ډول افغانستان ته وارد کړي.

د ریاست الوزرا اداري مرستیال مولوي عبدالسلام حنفي د اروپایي ټولنې شارژدافیرې، مېرمن ویرونیکا بوسکوویچ، او د هغې له مل پلاوي سره لیدنه وکړه.

د مالیې وزارت د نفتي موادو د کیفیت څارنې ریاست وايي، په تېرو درېیو میاشتو کې د هېواد له بېلابېلو ګمرکونو ۳۲۴ ټانکره بې‌کیفیته نفتی مواد مسترد شوي دي.

د کور او ښار جوړولو وزارت د تدارکاتو ریاست رئیس مولوي فیض‌الله فیضان وايي، د بېلابېلو وزارتونو او امارتي ادارو د نیمګړو پروژو د برخلیک ټاکلو او د چارو بیا پیل لپاره د عالیقدر امیرالمؤمنین حفظه‌الله تعالی د حکم عملي کېدو په پار ځانګړې ناسته شوې.

هلمند ولایت کې د اسلامي او ملي پولیسو له ښوونیز او روزنیز مرکز څخه ۳۴۶ تنه ځوان منسوبین د یوې میاشتنۍ نظامي، عقیدوي، فکري، بدني او مسلکي زده کړو تر بشپړېدو وروسته د ځانګړو مراسمو په ترڅ کې فارغ شول.

د پکتیا امنیه قومندان شیرعلي "جندالله" د مرکز کابل او پکتیا ولایت له یو شمېر اهل تشیع مخورو او قومي مشرانو سره په خپل کاري دفتر کې وکتل.

د دواړو پېښو په پایله کې شاوخوا ۲۰ زره افغانۍ مالي زیان رامنځته شوی او د نږدې ۱۲۰ زره افغانیو د زیان مخه نیول شوې ده. د چارواکو په وینا، په یادو اورلګېدنو کې ځاني تلفات نه دي رامنځته شوي.

د لوګر ولایت محمدآغې ولسوالۍ امنیتي ځواکونو د غلاوو یوه نهه کسیزه مسلکي ډله نیولې ده، چې د ولایت په بېلابېلو سیمو کې یې پرله‌پسې غلاوې کړې دي.

د غزني ولایت د امر بالمعروف، نهی عن المنکر او شکایتونو اورېدلو ریاست وايي چې د دې ولایت مسؤلینو د ټولنیز عدالت د تأمین او د خپل ټولنیز مسؤلیت له مخې په اندړو ولسوالۍ برکي کلي کې د یوې نجلۍ په بدو کې د ورکولو د ناوړه پېښې مخه ونیوله.