د اسلامي امارت د مشرتابه د لارښوونې پر بنسټ د پنجشېر د لوړو زده کړو موسسه د پوهنتون کچې ته لوړه شوه. د دې بدلون په مناسبت د ولایت د مرکز قومي مشرانو او مخورو د منجهور په سیمه کې د پوهنتون ودانیزو چارو لپاره نږدې ۱۰۰ جریبه ځمکه وقف او ولایتي ادارې ته وسپارله.

د پاکستان د کورنیو چارو وزیر محسن نقوي د افغانستان د کورنیو چارو وزیر خلیفه سراج‌الدین حقاني سره د ټېلیفوني اړیکې پر مهال د کونړ او ننګرهار د وروستۍ زلزلې د قربانیانو او ټپیانو په اړه خپله غمشریکي څرګنده کړې.

د هلمند ولایت د عامې روغتیا ریاست نن دوشنبه په یوې ځانګړې غونډه کې د کونړ ولایت زلزله‌ځپلو هېوادوالو ته د بېړنیو روغتیایي مرستو د لېږلو پرېکړه وکړه.

له نیول شویو کسانو څخه ۱.۱۶۴ کیلوګرامه شیشه، ۱.۵۱۲ کیلوګرامه چرس، څه اندازه تریاک، شیشه او ۱۰۰۵ عدده نشه يي ګولۍ ترلاسه شوي دي

د خوست ولایت مقام د لارښوونو پر بنسټ، نن ماسپښین درې بجې د خوست ښار له مرکزي چوک څخه د کنړ ولایت د زلزله‌ځپلو لپاره د مرستو لړۍ رسماً پیل شوه.

اسلامي امارت د هېواد په ختيځ کې د تېرې شپې په پېښه کې زلزله ځپلو هېوادوالو ته د تسلیت او غمشریکۍ مراتب وړاندې کړې دي.

د هلمند د کرنې، اوبولګولو او مالدارۍ ریاست د نباتاتو د ساتنې او قرنطین عمومي مدیریت مسلکي کارکوونکو د لښکرګاه ښار په سرکار سیمه کې د جوارو کروندګرو ته د افاتو او ناروغیو د مخنیوي په تړاو عامه پوهاوی ورکړ.

فراه ولایت مقام په یوې خبرپاڼه پولیس راډیو ته ویلي چې په دې ولایت کې د خلکو د ټولنیزو رواجونو سمون او د ناسمو دودونو د مخنیوي په موخه ځانګړې کمیټه جوړه شوې.

د افغان کرکټ ملي لوبډلې لوبغاړي راشد خان د کونړ او ځینو نورو سیمو د زلزلې د قربانیانو په تړاو خپله ژوره خواشیني څرګنده کړې ده.

د اسلامي امارت ویاند مولوي ذبیح‌الله مجاهد د هېواد په ختیځو ولایتونو کې د وروستۍ زلزلې له امله د رامنځته شوې مرګ ژوبلې په تړاو خواشیني څرګنده کړې او ویلي یې دي چې د اغېزمنو سیمو د ژغورنې او مرستې لپاره به له ټولو موجوده امکاناتو کار واخیستل شي.