د کابل ولايت د بدني روزنې او ورزش رياست سره په همغږۍ د بايسکل ځغلونې ملي فدراسيون له لوري د کابل ولايت څخه د ۵۰ بايسکل ځغلونکو ترمنځ د بايسکل ځغلونې ټاکنيزې سيالۍ د دې ښار په حاجي نبي ښارګوټي کې ترسره شوې.

د مالیې وزارت د ګمرکونو لوی ریاست وايي چې د فاریاب ولایت د آقینې په ګمرک کې د نږدې ۷۳ میلیونو افغانیو په لګښت د زیربنایي پروژو چارې ۹۰ سلنه پرمخ تللي او د بشپړېدو په حال کې دي.

د خوست ولایت د نرخونو د کنټرول او د احتکار مخنیوي کمېسیون د څارنې په لړ کې په خوست ښار کې اته درملتونونه، چې له ټاکلي نرخ څخه یې په لوړه بیه دوا او درمل پلورل، تر امر ثاني پورې وتړل شول.

د ټولګټو چارو وزارت د بودیجې په لګښت د غور – هرات د عمومي سړک د بیارغولو چارې پیل شوې.

د افغانستان لپاره د جاپان سفیر تاکویوشي کورمایا د خپلې دندې د پای ته رسېدو په مناسبت نن د اسلامي امارت د بهرنیو چارو له وزیر مولوي امیرخان متقي سره د مخه ښې لیدنه وکړه.

د اسلامي امارت وياند مولوي ذبيح اللّٰه مجاهد د امیرالمؤمنین حفظه ﷲ د حکم پر اساس په يو شمېر ادارو کې د تازه ټاکنو خبره کوي.

د ننګرهار امنیه قوماندانۍ اړوند د پاسپورټ آمریت لپاره نوی آمر مولوي عبدالله عابد په یوه رسمي غونډه کې معرفي شو او په خپل کار یې رسماً پیل کړ.

د لوګر ولایت امنیه قومندانۍ لومړی امنیتي حوزې اړوند دويم سمت منسوبینو د هڅو په پایله کې دوه کېلو چرس او یو لویه نظامي مخابره نیولی ده.

له خوسته په راغلې خبر پاڼه کې خبر دی چې په دې ولایت کې امنیه قومندانۍ اړوند د اسماعیل خېلو او مندوزیو ولسوالۍ له جنایي جرمونو سره د مبارزې مسؤلینو هغه شپږ کسان‌ نیولي چې د یو هیوادوال د کرنیز فصل (شنو جوارو) خرابولو په موخه د زهرجنې دوا پاشلو تور پرې لګېدلی دی.

په هرات کې د لسو میلیونو ډالرو په ارزښت د رېکشاو او برېښنايي موټرسایکلونو یوه نوې فابریکه رسماً پرانیستل شوه. دا فابریکه چې د صنعتي ښارګوټي په دننه کې جوړه شوې، اوس مهال شاوخوا ۱۰۰ کسانو ته د کار زمینه برابروي او هره ورځ لسګونه وسایط تولیدوي.