د موټر جوړونې جاپاني نېسان کمپنۍ اعلان کړی چې په امریکا، برازیل، لندن او جاپان کې به خپل فعالیتونه کم کړي. د دې کمپنۍ په وینا، په امریکا کې د کلیفورنیا د ډیزاین مرکز او په برازیل کې به ځینې دفترونه وتړل شي او په لندن او جاپان کې به یې هم فعالیتونه محدود شي.

د ریاست‌الوزرا اقتصادي معاونیت نن (سه‌شنبه) د یوې خبرپاڼې په خپرولو ویلي چې ملا عبدالغني برادر په خپل کاري دفتر کې د ایران د صنعت، سوداګرۍ او کانونو له وزیر سیدمحمد اتابک او مل پلاوي سره ولیدل.

د مالیې وزارت د ګمرکونو لوی ریاست وايي چې د فاریاب ولایت د آقینې په ګمرک کې د نږدې ۷۳ میلیونو افغانیو په لګښت د زیربنایي پروژو چارې ۹۰ سلنه پرمخ تللي او د بشپړېدو په حال کې دي.

په هرات کې د لسو میلیونو ډالرو په ارزښت د رېکشاو او برېښنايي موټرسایکلونو یوه نوې فابریکه رسماً پرانیستل شوه. دا فابریکه چې د صنعتي ښارګوټي په دننه کې جوړه شوې، اوس مهال شاوخوا ۱۰۰ کسانو ته د کار زمینه برابروي او هره ورځ لسګونه وسایط تولیدوي.

د کندهار د کرنې اوبو لګولو او مالدارۍ ریاست وايي چې له دې ولایته تازه هند ته پینځه اویا مټریک ټنه هوږه صادره شوې.

د روسیې کرملین خبر خپور کړی چې د برېکس غړو هېوادونو مشرانو د برازیل د ولسمشر لوییز ایناسیو لولا دا سلوا په نوښت ځانګړې انلاین غونډه وکړه، څو د امریکا د ولسمشر ډونالډ ټرمپ د سوداګریزو پالیسیو او د نړۍوال اقتصاد پر اوسني وضعیت بحث وکړي.

د ګمرکونو لوی ریاست له دې وړاندې هم ورته تخنیکي پلاوي بېلابېلو ګمرکونو ته استولي او څرګندوي چې د څارنې او ارزونې دغه لړۍ به په راتلونکي کې هم دوام ولري.

د مالیې وزارت د تقاعد او حقوقو عمومي ریاست له لوري د متقاعدو کارکوونکو د حقوقو د ورکړې بهیر پیل شو. دغه پروسه د امیرالمؤمنین ح.ف.د فرمان پر بنسټ او د متقاعدینو د حقونو د خوندیتوب په موخه عملي کېږي.

د احصايې او معلوماتو ملي ادارې د هېواد په کچه د ۱۴۰۴ کال د چنګاښ مياشتې د صادراتو او وارداتو اړوند ارقام راټول او تحليل کړي دي.

د ریاست‌الوزراء د اقتصادي مرستیال ملا عبدالغني برادر اخوند په حضور کې د افغانستان بانک او د مالیې وزارت ترمنځ د سوداګریزو بانکونو د ونډې له لارې د ټولګټو پروژو د تمویل میکانیزم رسماً لاسلیک شو.