د ښځو پر وړاندې د تاوتریخوالي د له منځه وړلو د نړۍوالې ورځې په مناسبت، د ملګرو ملتونو د نشه‌یي توکو او جرمونو او د یادې ادارې د ښځو دفتر د ۲۰۲۵ کال راپور خپور کړی، چې په کې ویل شوي، د ښځو پر وړاندې تاوتریخوالی په ټوله نړۍ کې د لسګونو زرو ښځو او نجونو د وژل کېدو لامل کېږي.

د اسلامي امارت د سترې محکمې د امر پر بنسټ په هېواد کې د زندانونو د ارزونې او بیاکتنې پروسې په پایله کې ۷۵۲۱ بندیان یا ازاد شوي او یا یې د بند موده کمه شوې ده.

امر بالمعروف او نهی عن المنکر وزارت د خپلې تېرې اونۍ د کړنو راپور خپور کړی چې له مخې یې په ټول هېواد کې د دیني، ټولنیزو او اداري چارو په برخه کې ګڼ فعالیتونه ترسره شوي دي.

د امر بالمعروف، نهی عن المنکر او شکایتونو اورېدو وزارت مسؤلینو د اسلامي ارزښتونو پیاوړتیا، مېرمنو د حقونو خوندیتوب، د قومي او ژبني شخړو حل او ټولنیز عدالت ټینګښت په موخه د روانې اونۍ په اوږدو کې بېلابېلې کړنې کړې دي.

د امربالمعروف وزارت د خپرې کړې خبرپاڼې له مخې؛ د فراه ولایت د امر بالمعروف ریاست مسؤلینو د مېرمنو حقونو ته په ژمنیتا او په ټولنه کې د مېرمنو پر وړاندې د تاوتریخوالي ډکو پېښو د مخنیوي په موخه د قومي مخورو په منځګړیتوب یوه لس کلنه نجلۍ، چې د کورنۍ غړو یې غوښتل د زیاتو پیسو په بدل کې یې د هغې له خوښې پرته یوه (۷۵) کلن کس ته په نکاح کړي چې د محتسبینو له لوري یې مخه ونیول شوه.

په لوګر، پکتیکا او غزني ولایتونو کې څلور مېرمنې د امر بالمعروف د مسؤلینو په هڅو له خپلو شرعي حقونو برخمنې شوې

د ځمکو له غصب څخه د مخنیوي او د غصب شویو ځمکو د استرداد کمېسیون له رامنځته کېدو راهیسې، په ټول هېواد کې د لسګونو استوګنیزو ښارګوټو دوسیې تر بررسۍ لاندې نیولي چې په پایله کې، ۹ ښارګوټي د امارتي غصب شویو ځمکو قضیو ته د رسیدګۍ اختصاصي محکمو د شرعي پرېکړو پر بنسټ په بشپړ ډول، امارتي (دولتي) ملکیت اعلام شوي دي

د امربالمعروف وزارت د خبرپاڼې په حواله د روزګان ولایت امر بالمعروف ریاست مسؤلانو یوه ځوانه نجلۍ چې ترونو یې غوښتل د نوموړې له خوښې پرته یې د زیاتو پیسو په بدل کې اویا کلن سپین ږیري ته په غیر شرعي نکاح ورکړي، مخنیوی وکړ.

د غزني ولایت د امر بالمعروف، نهی عن المنکر او شکایتونو اورېدلو ریاست وايي چې د دې ولایت مسؤلینو د ټولنیز عدالت د تأمین او د خپل ټولنیز مسؤلیت له مخې په اندړو ولسوالۍ برکي کلي کې د یوې نجلۍ په بدو کې د ورکولو د ناوړه پېښې مخه ونیوله.

د زابل ولایت د امر بالمعروف، نهی عن المنکر او شکایتونو اورېدلو ریاست چارواکي وایي، د تېرې اونۍ په اوږدو کې یې د قلات ښار او یوولسو ولسوالیو په کچه له ځایي خلکو سره د مېرمنو د حقونو د خوندیتوب په تړاو ناستې کړي دي.