ملګري ملتونه وايي، چې یوازې د ۲۰۲۳ کال د سپتمبر راهیسې تر اوسه شاوخوا درې میلیونه افغان کډوال بېرته هېواد ته ستانه شوي دي.

امربالمعروف وزارت پولیس راډیو ته په یوه استولې خبر پاڼه کې وايي چې د دې وزارت محتسبینو کنړ کې د یوې کم عمره نجلۍ د جبري ودېدنې مخه نیولې.

د اسلامي امارت چارواکو د امریکا د ولسمشر وروستیو څرګندونو ته په غبرګون کې ویلي چې د افغانستان خپلواکي او ځمکنۍ بشپړتیا د دوی لپاره تر هر څه مهم دي او واشنګټن باید د تېرو ناکامو تجربو پر ځای یو عقلاني او واقع‌بین سیاست غوره کړي.

د پنجشېر د کرنې، اوبو لګولو او مالدارۍ ریاست راپور ورکړی چې په دې ولایت کې د چهارمغزو تولید سږکال له تېرو کلونو زیات شوی دی.

د افغانستان د فوټسال ملي لوبډلې د ۲۰۲۶ کال اسیا جام ته د لارموندنې سیالیو په لومړۍ لوبه کې د مالدیف ملي لوبډلې ته د لس پر یو (۱۰–۱) په ستر توپیر ماتې ورکړه.

د خوست ځایي چارواکي وايي چې د یاد ولایت په بېلابېلو سیمو کې څلور کوډګر د خلکو د شکایتونو پر بنسټ نیول شوي دي.

په افغانستان کې د جاپان سفارت د زلزله‌ځپلو کورنیو ملاتړ لپاره د یو میلیون ډالرو په ارزښت مرسته اعلان کړې ده.

خوست ولایت مرستیال والي مولوي محبوب شاه قانت د یاد ولایت د مرکز ترڅنګ د ګربزو او تڼیو ولسوالیو له قومي مشرانو او مخورو سره ځانګړې ناسته وکړه.

د کورنیو چارو وزارت اړوند د نشه يي توکو پر وړاندې د مبارزې معینیت وايي، په فراه ولایت کې ۸۳ تنه د نشه‌يي توکو روږدي له بشپړې درملنې وروسته رخصت او خپلو کورنیو ته سپارلي.

فراه کې د اوړو د تولید لپاره یوه نوې کارخونه د ملي سوداګر محمد داود په لګښت پرانستل شوه. د پرانیستې په مراسمو کې د فراه مرستيال والي مولوي رحيم الله محمود د سیمې اوسنی امنیت د هر ډول پانګونې لپاره مناسب وبللو او زیاته یې کړه، چې ټول ولسي وګړي، ملي سوداګر او پانګوال کولای شي پرته له کوم ډاره ژوند او پانګونه وکړي.