د نورستان برګمټال ولسوالۍ د پڅیګرام په سیمه کې د قیمتي او نیمه قیمتي ډبرو د پلور داوطلبۍ شفافې پروسې له لارې ترسره شوه، چې له هغې څخه شاوخوا ۲۲۰ میلیونه افغانۍ عاید ترلاسه شو.

د افغانستان د بهرنیو چارو وزیر مولوي امیرخان متقي خپل وروستی سفر هند ته تاریخي او له لاسته راوړنو ډک بللی او ویلي یې دي چې دا سفر به د کابل او نوي‌ډیلي ترمنځ د اړیکو د نوی فصل پیل وي.

د اسلامي امارت د کډوالو او راستنېدونکو چارو وزیر مولوي عبدالکبیر د ایران د بهرنیو چارو وزارت له استازي محمد رضا بهرامي او په کابل کې د ایران له سفیر علیرضا بیګدلي سره په لیدنه کې د افغان کډوالو وضعیت او د سیمې وروستي تحولاتو په اړه خبرې کړې دي.

د بشري حقونو نړيوال سازمان د پاکستان له لوري د پکتيکا ولايت په وروستي هوايي بمبار کې د کرکټ د محلي لوبغاړو وژل کېدو پېښه په سختو ټکو غندلې ده. دغه سازمان وايي، په دې بريد کې د ملکي وګړو نښه کول د بشري حقونو او نړيوالو بشردوستانه قوانينو ښکاره سرغړونه ده.

د امریکا ولسمشر ډونالډ ټرمپ ویلي، چې د افغانستان او پاکستان ترمنځ د وروستیو پوځي نښتو په اړه معلومات لري او د هڅو په حال کې دی، څو د یادو کړکېچونو د ختمېدو او د سیمې ثبات لپاره لاره ومومي.

کابل ښاروالۍ د ۱۴۰۵ هجري لمریز کال د پراختیایي پلان چمتو کولو په موخه لومړنۍ غونډه د کابل ښاروال مولوي عبدالرشید په مشرۍ ترسره کړې.

په کابل ښار د دوه ویشتمې ناحیې اړوند د بګرامیو پروژې لویدیځ لوري ته د کمري سیمې د سړک د قیر او کانکریټ کارونه په رسمي ډول پیل شول. د یادې پروژې له پیلېدو ځايي اوسېدونکي خوشاله دي او وايي چې په دې سره به یې د تګ راتګ برخه کې شته ستونزې کمې شي.

د خوست ولایت د ګربزو ولسوالۍ په توده چینه نومې سیمه کې د افغان ټیلي‌کام شرکت له لوري د TDF پروګرام تر چتر لاندې د نوې مخابراتي سایټ د ودانیزو چارو ارزونه او څارنه وشوه.

دالمپيک، بدني روزنې او ورزش عمومي رياست اړوند د سنوکر او بليارد ملي فدراسيون له لوري د هېواد له ۲۰ ولايتونو څخه د ۱۷۰ ورزشکارانو ترمنځ د سنوکر ملي ټاکنيزې سيالۍ د کابل ولايت، د شهرنو په V.I.P او V.I.P پلس کلبونو کې پيل شوې.

د سپین‌بولدک د اطلاعاتو او فرهنګ مدیر، حافظ علي محمد حقمل رسنیو ته ویلي چې دا پرېکړه د پاکستان له لوري شوې او د افغانستان له اړخه هېڅ تخنیکي یا امنیتي خنډ شتون نه‌لري.