د اسلامي امارت ویاند ذبیح‌الله مجاهد نن (یکشنبه) په کابل کې یوې خبري غونډې ته وویل چې دتېرې شپې نښتې د افغان ځواکونو له خوا د پاکستان د وروستیو هوايي بریدونو په ځواب کې ترسره شوې دي.

له سیمې د تازه راپورونو له مخې پاکستان یو ځل بیا د تورخم دروازه د دواړو خواوو پر مخ داسې مهال تړل کېږي چې تېر ماښام د اسلامي امارت ځواکونو پر کابل د برید په ځواب کې پر پاکستانیو پوله‌ساتو ملېشو د درنو او سپکو وسلو بریدونه وکړل او مرګ ژوبله یې ورته واړوله.

د اسلامي امارت د ملي دفاع وزارت د تازه څرګندونو له مخې، تېره شپه د افغان او پاکستاني ځواکونو ترمنځ د ډیورنډ کرښې په اوږدو کې پراخې نښتې شوي چې د څو ساعتونو لپاره یې دوام کړی. چارواکي وایي، دا عملیات د پاکستان له لوري د افغانستان د خاورې د تکراري سرغړونو او وروستي هوایي برید په ځواب کې ترسره شوي دي.

د افغانستان او پاکستان ترمنځ د فرضي کرښې پر اوږدو تازه سرحدي نښتې د سیمې او نړۍ پام ځان ته رااړولی دی. د راپورونو له مخې، تیره شپه افغان لوري د پاکستانیو پر پوستو درانه بریدونه کړي چې له امله یې پاکستاني لوري درانه ته تلفات اوښتي دي...

د دایمیرداد ولسوالۍ د دیني مدارسو او ښوونځیو له ۷۹۰ زده‌کوونکو او طالب‌العلمانو د اخیستل شوې ازموینې پایلې د یوې پرتمینې غونډې په ترڅ کې اعلان شوې.

د نورستان برګمټال ولسوالۍ په پڅیګرام کلي کې د ګاز ډبې چاودنې یوه کورنۍ له مرګ‌ژوبلې سره مخ کړې ده.

د سرپل امنیه قوماندانۍ د نشه‌يي توکو پر ضد د مبارزې مدیریت د روان ۱۴۰۴ لمریز کال په لومړیو شپږو میاشتو کې د نشه‌يي موادو د قاچاق، انتقال او استعمال پر ضد مهم عملیات کړي دي.

د کونړ امنیې قومندانۍ مطبوعاتي دفتر وايي چې د سرکاڼو ولسوالۍ یو شمېر قومي مشرانو د د دې ولایت له امنیه قوماندان مولوي ضیاءالحق حامد سره وکتل او د ولسوالۍ او ټول ولایت د امنیتي وضعیت د ښه والي په اړه یې له پولیسو او امنیتي ځواکونو مننه وکړه.

د فاریاب ولایت د کور او ښار جوړولو رئیس مولوي خال میرزا ذوالفقار د ولایت مرستیال مولوي نصرت الله فیضاني او د امارتي ادارو د مشرانو تر څنګ د کرنې، اوبولګولو او مالدارۍ ریاست اړوند د ۱۰۰ متریک ټنه سړې خونې د پروژې پرانستې په مراسمو کې ګډون وکړ.

د فراه پوهنتون رسنیز دفتر مسؤل په استول شوې خبرپاڼه کې ویلي، چې د دغه پوهنتون په ساحه کې د ۲۱ میلیونه او ۷۵ زره افغانیو په لګښت د څېړنیز فارم جوړولو پروژه رسماً پیل شوې ده.