د هلمند ولایت مسؤلین وايي، چې د چاپېریال ساتنې او کرنیزو چارو د پیاوړتیا په موخه یې په بېلابېلو برخو کې د مهمو عملي اقداماتو لړۍ پیل کړې ده.

د هلمند ولایت امنیتي چارواکي وايي، چې د نشه‌يي توکو پر وړاندې د مبارزې د مدیریت منسوبینو د تېرې یوې اوونۍ په ترڅ کې د لښکرګاه ښار او یو شمېر ولسوالیو په کچه پراخ عملیات ترسره کړي، چې په پایله کې یې په زیاته اندازه نشه‌يي توکي کشف او نیول شوي دي.

د هلمند امنیه قومندانۍ پولیس راډیو ته ویلي، له تېرو پنځو میاشتو راپدېخوا د یاد ولايت امنيه قوماندانۍ د ترهګرۍ پر وړاندې د مبارزې مديريت مسؤلینو له لوري د مرکز لښکرګاه په ګډون یو شمېر ولسوالیو کې تر ۴۰۰ ډېرې اسلحې او نظامي تجهيزات نيول شوي.

د کندهار امنیتي چارواکي وايي، چې د ګډو کشفي او امنیتي ځواکونو د منسجمو عملیاتو په ترڅ کې یو تن ماشوم له اختطاف‌ګرو څخه روغ رمټ وژغورل شو.

د افغانستان د ملي دفاع وزارت وايي د دې وزارت د هوایي ځواک تخنیکي او مسلکي انجینرانو د اوږدو هڅو په پایله کې درې چورلکې بېرته فعالې شوې او د ازمایښتي الوتنو وروسته یې د عملیاتو وړتیا ترلاسه کړې ده.

د فراه د ښاروالې رياست د کلتوري او ټولنيزو چارو مدير، ميوند حبيبي، باختر خبري آژانس ته وويل، چې د ښاروالې رياست د روان کال په لومړيو شپږو مياشتو کې د ثابتو او غير ثابتو عوايدو له لارې ۹۶ ميليونه، ۶۴۵ زره او ۹۳۴ افغانۍ عوايد راټول شوي، چې د تېر کال د همدې مودې په پرتله ۲۹ ميليونه، ۶۹۱ زره او ۹۰۰ افغانۍ زياتوالی ښيي.

د پکتیا ولایت د څمکنیو ولسوالۍ پولیسو د نشه يي توکو د قاچاق په تړاو یو تن نیولی. د نشه يي توکو سره مبارزې د امریت منسوبینو د هراړخیزو او دقیقو پلټنو په ترڅ کې یاد کس له ۳.۵۰ کیلو ګرامه خامو چرسو سره نیولی.

د ننګرهار امنیه قوماندانۍ وايي، د ښاري نظم د ټینګښت، د جرمونو مخنیوي او د قانون د پلي کېدو په موخه یې د تورو ښیښو لرونکو وسایطو پر ضد خپل کمپاین ته دوام ورکړی دی.

د کندهار د کرنې، اوبو لګولو او مالدارۍ ریاست مسؤلین وایي، سږکال تمه ده چې له دغه ولایت څخه شاوخوا ۲۷۴ زره ټنه د انارو حاصلات تر لاسه شي.

د فراه پوهنتون د دعوت او ارشاد آمریت له لوري د دې پوهنتون د استادانو او اداري کارکوونکو لپاره د «اسلام له نظره د قزع (د سر وېښتانو لنډول)» تر سرلیک لاندې یو اصلاحی سمینار جوړ شو.