د هرات ولایت امنیه قومندانۍ وايي چې تېره یوه اونۍ کې د دغه ولایت امنیتي ځواکونو ۳۴ غله د ښار په بېلابېلو سیمو کې د غلاوو پر مهال نیولي دي.

د کورنیو چارو وزارت د نشه‌يي توکو پر وړاندې د مبارزې معینیت خبر ورکړی چې د ځانګړو قطعاتو اړوند ځواکونو د کابل ښار په نهمه ناحیه کې د ځانګړو کشفي عملیاتو پر مهال یو کس نیولی دی.

د خوست امنیه قومندانۍ د جنایي مدیریت اړوند ځواکونو په یوه ځانګړې عملیاتې هڅه کې یو کس نیولی، چې د یو تن هېوادوال د وژنې قصد یې درلود.

د کونړ ولایت په نورګل او څوکۍ ولسوالیو کې د وروستۍ زلزلې له امله د رامنځته شویو زیانونو او د زلزله ځپلو د وضعیت د څارنې په موخه یوه ولسي غونډه جوړه شوه. په دې غونډه کې ګډونوالو د اسلامي امارت له مسؤلینو د پر وخت مرستو او اقداماتو مننه وکړه.

د خوست ولایت مرستیال والي مولوي محبوب شاه قانت له رسنیوسره په مرکه کې ویلي، چې د اسلامي امارت د مشرتابه له فرمان سره سم به په نږدې راتلونکي کې د یاد ولایت په هغو ولسوالیو کې چې د ډیورند فرضي کرښې ته نږدې پرتې دي، په لسګونه پروژو کار پيل شي.

ټولګټو چارو وزارت خبر ورکوي، چې د تېرې اوونۍ په جریان کې د افغانستان د اوسپنې پټلۍ له لارې ټولټال ۱۰۴ زره ۱۷۹ مټریک ټنه توکي لېږدول شوي دي.

د کورنیو چارو وزارت د نشه يي توکو پر وړاندې د مبارزې معینیت اعلان کړی چې د هېواد په اوو ولایتونو کې ۲۱ تنه روږدي د درملنې لپاره راټول شوي دي.

د پاسپورت عمومي رئیس مولوي عبدالکریم حسیب د پروان والي مفتي محمد ادریس انوري سره وکتل. دا لیدنه د یوې ځانګړې پلاوي په ملتیا وشوه.

د افغانستان د بهرنیو چارو وزارت وايي چې اسلامي امارت به د مسکو فارمټ په راتلونکې غونډه کې د غړي په توګه ګډون وکړي. دا لومړی ځل دی چې افغانستان د یادې غونډې برخه ګرځي.

د ویتنام په مرکزي سیمو کې د توپان او سختو ورښتونو له امله لږ تر لږه یو کس مړ شوی او ۱۲ تنه نور لادرکه دي.