ټاکل شوې چې نن یکشنبه، د وږي ۱۶مه د افغانستان او پاکستان د کرکټ ملي لوبډلو ترمنځ د درې‌اړخیزو شل اوریزو سیالیو وروستۍ او پرېکړه‌کوونکې لوبه وشي. دا سیالي به د کابل په وخت د ماښام ۷:۳۰ بجې د شارجه په نړیوال لوبغالي کې وشي.

سیمه ییز چارواکي وايي چې د اشترلي ولسوالۍ لپاره د نوې اداري ودانۍ د جوړولو چارې رسماً پیل شوې دي. د دغه پروژې مالي لګښت ۱۴ میلیونه افغانۍ اټکل شوی چې د کورنیو چارو وزارت له پراختیايي بودیجې تمویلېږي.

د جوزجان په مرکز کې د جهادي آثارو موزیم د یو لړ ځانګړو مراسمو په ترڅ کې پرانیستل شو. دغه موزیم څو ورځې وړاندې د اطلاعاتو او کلتور وزارت د رهبري له خوا منظور شوی و.

د افغانستان او ازبکستان ترمنځ د برېښنا د همکاریو په چوکاټ کې د سرخان–پلخمري د ۵۰۰ کیلوولټه مزي د غځولو او د برېښنا د سب سټېشنونو د پراختیا پروژه رسماً پیل شوه.

شیرعلي "جندالله" په یو لړ ځانګړو مراسمو کې د پکتیا ولایت د نوي امنیه قومندان په توګه رسماً وپېژندل شو.

د کونړ امنیې قوماندانۍ ویاند فریدالله دهقان هغه راپورونه رد کړل چې د ټولنیزو رسنیو له لوري د زلزله ځپلو مرستو په اړه د شکونو د راپورته کېدو په تړاو خپاره شوي دي.

د پروان ولایت امنیه قومندان قاري محمد جاوید ضیاءالرحمن د سالنګ ولسوالۍ لپاره د اوروژنې د نوې څانګې د جوړېدو په تړاو له مسؤلینو سره ځانګړې لیدنه وکړه.

د ننګرهار عدلیې ریاست له ټولو خیریه بنسټونو غوښتي، څو د مرستو د وېش پر مهال اسلامي او افغاني ارزښتونه بشپړ رعایت کړي او د خلکو حساسیتونه دې په پام کې ونیسي.

د افغانستان د کرنې، اوبو لګولو او مالدارۍ وزارت یو لوړپوړی پلاوی د دغه وزارت د مرستیال مولوي صدراعظم عثماني په مشرۍ د ترکیې د کرنې او ځنګلونو د څېړنو له لوی ریاست څخه لیدنه وکړه او له مسؤلینو سره یې د ګډو همکاریو پر څرنګوالي بحث وکړ.

د افغانستان د کرکټ ملي لوبډلې وتلي لوبغاړي مجیب الرحمن د خوست ښار په جنوبي برخه کې یوه معیاري کرکټ اکاډمي جوړه او په ځانګړو مراسمو کې یې پرانیسته.